شكرا جزيلاً لكنك لست من المرسلين
توا بالله انت اللي عابي عليك بوك العاقل, تطلع فارغ هكي والله الا مشكلة يا قذافي كان عباك على بن يزي ياقعادك بجنب بن علي تهزي ,, بن علي ؟؟؟ بن علي في السعودية والسعودية مش صحابك !! باهي كيف الحل ؟؟
من الاخير ديرتها بيديك حلها بسنونك ان شاء الله تمشي لجهنم. تي كيف تعطي العيل هدا يتكلم وانت اللي عابي عليه فاهمنا وفي الاخير معرفش ايقول فهمتك لو قال فهمتك راهو حتى حني ممكن فهمناه لا حول ولا قوة الا بالله
توا بالله مش هدا شيئ يضحك توا معقولة قاعد ايقول فتنة ومافتنة يا ناس القبائل اللي يحكي عليها هده هيا اللي وحدتنا و وبايعو الملك ادريس السنوسي رحمه الله بيعة رجل واحد لما كانو اكثر قبلية واقل علم واقل فهم لاهمية بناء الدولة ؟ مابالك توا والكل واعي وفاهم للوضع السياسي والاقتصادي والدليل على هدا ان كل القبائل اللي يحكي عليها اتفقو على طردك انت وابوك والصيع خوتك يا تافه .
وتحكي عالشباب الطاهر اللي قام بالثورة العظيمة هده بانهم مجموعة شباب مساطيل توا بالله بالله شنو تحسابنا اطفال والا نرضعو في صوابعنا , يا تافه قطرة دم واحدة من دم الشباب اللي تحكي عليهم هادو تساويك انت وبوك وخوتك كلهم يا تافه , ومفهمتكش وانا اللي كنت نحسابك فاهمني لما قلت في جماعات اسلامية تبي ابصر شنو ادير ابصر وين توا انت تكلم في الليبيين والا في الامريكان والانجليز باش يتغاضو على الجرائم اللي اديرو فيها في البلاد, راهو الورقة هده حرقوها بن على ومبارك قبلك !! والا ماقروكش كويس اللي عابيين عليك ياوالله حالة وخلاص
نصيحتي ليك ياسيف القرذافي جمع بوك وخوتك وديروها زي هتلر جماعية احسن مايحصلو عليك ويصير فيكم زي ما صار في موسيليني ويا ريث تصير الثانية باش على الاقل نفشو غليل الامهات اللي قتلتو صغارهم .
2 comments:
بسم الله الرحمن الرحيم
الأخ الفاضل
أبحث منذ الصباح عن مدونات لأخوة ليبيين وها قد هدانى الله
أرجو أن تطمئنونا عليكم
وعلى أخباركم
مدونة رائعةجدا ... تمنياتي لك بالتوفيق الدائم والنصر لليبيا الحبيبة ... شكرا لك على الدعوة اللطيفة لزيارة المدونة ... دمت بخير أخي العزيز
Post a Comment